February 18, 2025, 07:27 PM: Itu Chakhesang Thinkers’ Forum (CTF) para ekta felicitation program host kurishey, notun para elect kuri kena thaka Office Bearer khan ke honor kuriboley karney, itu Chakhesang Public Organization (CPO) laga. Itu event toh hoiley Chakhesang Baptist Church Dimapur (CBCD) Conference Hall tey para loishey, Chakeshang Colony tey para, 18th February, 2025 tey, 2:25 PM para shuru kuri kena.
Itu event tey toh hoiley distinguished member khan attend kurishey CPO aru CTF laga, aru alag alag esteemed dignitary khan attend kurishey. CTF laga Chairman – Mr. S. K. Kenye para itu event ke chair kurishey aru tai para welcome address deliver kurishey. Tai laga opening remarks tey, Chairman S K Kenye para late Lt. Khrutsoyi Luruo ke tribute dishey, kuntu toh hoiley CTF laga ekta distinguish member thakishey, aru tai ke honor kuri kena ekta silent prathana kuria laga homoi thakishey.
Itu CPO laga president para ekta token receive kurishey, itu CPO team laga behalf tey, itu CTF laga Chairman para.
CBCD laga Senior Pastor – Rev. Dr. P. Bonny Resu para invocation offer kurishey. CPO laga President – Mr. Vezuhu Keyho para CTF ke thanks janaishey itu program organize kuri diya nimitey, tai khan significant encouragement aru support nimitey, Chakeshang manu khan nimitey, ekta elder hisap thaki kena aru itu community laga ekta thin tank hisap thaki kena. President Vezuhu Keyho para tai laga address tey, itu organization laga vision share kurishey, 2025-2027 nimitey aru itu Chakeshang community nimitey important roadmap khan thaka ke highlight kurishey.
Add Comment