Odisha, 18 February : Indian women’s hockey team laga aim ase wapas jiti lobole, nimite February 18 aru 19 te Kalinga Hockey Stadium te Spain against FIH Pro League laga agota matches kheli bole prepare kuri thakise.
Salima Tete-led team prothom match te England against ekta exciting 3-2 victory pai thakise, kintu second match te narrowly bonus point hari dise. Itu match te 2-2 regulation time te khotom hoapiche, shootout te 2-1 hari jabo porise.
India resilient performance dekhai thakile bhi, dukhon match kheli gane kebole 4 points loise aru ranking te eighth place te ase. Spain laga against match jitikene points table te up kuribo nimite try kuribo.
England against laga match te, India penalty corner conversions te bhal performance dekhai thakise, juntu te 3 te pora 2 attempt successful hoise. Kintu second match te itu repeat kuribo no parise, 3 te pora eku convert no kuribo parise.
Vice-captain Navneet Kaur, juntu team laga top scorer ase, dukhon match te ek-ekta goal mari dise aru forward line ke stability di thakise. Spain against kheli bole, team set-piece execution aru defensive coordination te aru bishi improvement kuribo nimite focus kuri thakise.
Spain bhi confidence te ase, karon Germany against India leg laga FIH Pro League te back-to-back 2-1 victories loise. Hoi bhi le, Spain laga overall performance milai bile mixed ase – 6 match kheli thakibiche te kebole 2 jitise aru ekta shootout victory pai thakise. Ita homoite, Spain 8 points loikene points table te fourth place te ase, aru position majbut kuribole try kuribo. Spain laga standout player Patricia Alvarez ase, juntu duita goal mari thakise aru team laga top scorer ase.
India karone, itu upcoming doubleheader kebole ekta momentum wapas loibole nohoi, kintu crucial points aru confidence collect kuri, baki laga campaign te bhal performance di bole chance ase. Home crowd laga support loikene, team pichola matches te kurithaka mistakes rectified kuribole try kuribo.
Add Comment