Nagaland

DoFW Para Khaboley Laga Packaged Pani Opor Tey Inform Kurishey

February 19, 2025

February 19, 2025, 05:35 PM: Itu Health & Family laga Department para toh hoiley inform kurishey ki, 17th October, 2024 laga Notification NO.REG-11027/2/2022-Regulation-FSSAI, New Delhi ke pursue kuri kena, Food Safety aru Standards (Prohibition aru Restrictions on Sales) Regulations, 2011 kunba regulation khan laga under tey, amend kuri di kena asey aru itu toh hoiley kuriboley lagi asey.

Itu regulation 2.3, sub-regulation 2.3.14, clause 17 aru 18 under tey mention kuri kena asey ki, “Kun manu khan hoilebi, packaged pani bottle khan toh manufacture nakuribo, nabikabo nahoiley dukan khan tey narakhibo, aru mineral water khan toh hoiley khali Bureau of Indian Standards (BIS) Certification Mark under tey bikaboley paribo”. Itu clauses 17 aru 18 toh hatai di kena asey. 

Itu nimitey, Food Business Operator khan kun toh hoiley pani manufacture kuri asey, tai khan toh hoiley BIS Certification Mark toh obtain  nakuriley hobo. Eneka thakilebi, tai khan toh hoiley Food Safety License Certificate toh obtain kuriboley mandatory asey,  itu online portal https://foscos.fssai.gov.in tey para. Water test laga report toh hoiley ekta mandatory document hoboley asey aru khaboley laga pani toh hoiley kunba ekta India Notified Laboratory laga Food Safety & Standards Authority tey test kuriboley lagibo, Packaged Drinking Water aru Mineral Water test kuriboley laga scope thaki kena. 

Itu packaged pani toh hoiley legible para mark kuriboley lagibo, itu detail khan tatey likhi di kena:

  1. Product laga naam.
  2. Manufacture laga naam aru address.
  3. Branch laga naam, judi asey koiley.
  4. Lot/Branch number
  5. Package kuria nahoiley process kuria laga date.
  6. Kiman date tak itu khaboley bhal asey.
  7. FSSAI laga logo aru license registration certificate number likhi kena thakiboley lagibo.