February 19, 2025, 05:52 PM: Ekta dui- din laga District Attachment Program loishey, 54th Batch Nagaland State Secretariat (NSS) Probationer khan laga, kuntu toh hoiley, Pughoboto Election District tey para loishey, 18th para 19th February, 2025 para. Itu NSS (P) Foundation Course training laga part thaki kena, 20 NSS (P) officer khan laga ekta delegation para alag alag Office khan, School khan, aru CHC tey visit kurishey, Pughoboto subdivision under tey.
ADC Pughoboto – Tiameren Chang, NCS para itu NSS (P) probationer khan ke address kurishey, aru khata para tai khan ke, Pughoboto Sub-Division opor tey highlight kurishey. Itu attachment period toh hoiley, probationer khan ke train kuriboley aim kurishey, itu alag alag government office khan laga function kuria ke bujiboley aru office structure, policies, protocols & office procedure khan laga overview ke provide kuriboley, tai khan bhitor tey ekta deep understanding instill kuriboley aru public service khan karney bhal bhabana dhali diboley karney.
Tai khan laga exposure visit laga part thaki kena, itu NSS (P) probationer khan laga 2025 batch para government office khan tey visit kurishey, viz E.E PWD (R&B), SDEO (Education), CDPO, SDHO (Horticulture), Government Higher Secondary School, Pughoboto & SMO CHC, itu first din tey.
Itu second din tey, itu probationer khan helipad tak tey trekking jai kena enjoy kurishey aru Mishilimi village laga Traditional Hut tey visit kurishey, aru itu logotey New Administrative Complex tey bhi visit kurishey, kuntu toh hoiley October 2024 tey inaugurate kurishey.
Add Comment