New Delhi, 20 February : Hit crime thriller TV show CID laga second season shighor Netflix te stream kuri bole aahise. Shivaji Satam, Dayanand Shetty aru Aditya Srivastava lead role te thaka itu show, jun tu age Sony LIV te premier hoishe, ebar itu date pora Netflix te bi dekhibo paribo.
CID laga ekta dangor fanbase ase, aru itu show second season te web format te wapas ahi dise. 18 episodes Friday, February 21 pora Netflix te stream kuri jabo. Ta piche te notun episodes Saturday aru Sunday raat 10 baji pora, February 22 pora release kuri jabo. Itu show normal te Sony TV aru Sony LIV te bi available ase, kintu Netflix te bi watch kuri bole paribo.
Shivaji, Dayanand aru Aditya laga logote, Narendra Gupta, Ansha Sayed, Ajay Nagrath aru bishi actor khan bi significant role te ase. CID first time 1998 te TV te premiere hoishe. Itu show 1500 episodes complete kuri milestone celebrate kuri thakise. Sony TV te 20 saal cholija piche te, 2018 te wrap up kuri dise, jun tu India laga longest-running TV series majote ekta ase.
First run piche te, CID second season revive kuri December 21, 2024 pora TV te wapas ahi dise, jun tu 6 saal laga break piche te ase. Itu show bohut saal majote ekta cult following paye jaise.
Add Comment