Mumbai, 20 February : Chhaava laga success ekdom force te age jaise. Release hoa sixth day – Wednesday te, Chhaava worldwide ₹250 crore mark cross kuri dise, aru 2025 laga highest-grossing Indian film bani jaise. Itu sob first hafta majote hoi jaise.
Laxman Utekar laga itu film first six days te ₹197.75 crore nett (₹237 crore gross) India te earn kuri dise, Sacnilk laga report hesab te. Wednesday te Maharashtra te Chhatrapati Shivaji Jayanti laga public holiday thaka karone, collection ekdom bishi jump kuri dise. Maharashtra itu film release pora hi highest collection di thakise, aru itu holiday national level te bhi collection ke bishi boost di dise. Chhaava Wednesday te India te ₹32 crore net earn kuri dise, jun tu Tuesday laga ₹25.25 crore pora 27% boost paise.
Overseas te bhi Chhaava bishi bhal performance di ase, aru $4 million (₹33 crore) earn kuri dise. Domestic market pora kom thakile bhi, itu overseas collection milaike Vicky Kaushal-starrer itu film worldwide ₹270 crore reach kuri dise. Thursday end te ₹300 crore mark cross kuri bole chance ase.
Wednesday laga earnings piche te, Chhaava 2025 laga highest-grossing Indian film bani jaise. Itu Telugu film Sankranthiki Vasthunam ke harai dise. Daggubati Venkatesh-starrer itu film ₹252 crore earn kuri thakise, aru Chhaava itu mark sirf six days te clear kuri dise. Itu gap next days aru weeks te aru dangor hobo hesab ase. Chhaava age bi Akshay Kumar laga Sky Force laga ₹168 crore record harai Bollywood laga biggest film bani thakise.
Laxman Utekar laga itu film te Vicky Kaushal – Chhatrapati Sambhaji Maharaj laga role te ase, aru Akshaye Khanna – Emperor Aurangzeb laga role te ase. Itu film te Rashmika Mandanna, Vineet Kumar Singh, Ashutosh Rana, Neil Bhoopalam, aru Diana Penty bhi important role te ase. Chhaava February 14 te release hoishe, aru critics pora mixed-to-positive review pa thakile bhi, audience laga response ekdom massive ase.
Add Comment