February 22, 2025, 08:44 PM: Environment, Forests aru Climate Change aru External Affairs, Government of India nimitey State laga Union Minister – Kirta Vardhan Singh toh hoiley tai laga teen din laga visit tey thakishey, Nagaland tey, 19th para aha toh aji 22nd February, 2025 hoi jaishey. Tai thaki thaka homoi tey, itu state tey, tai para Chida Lake tey visit kurishey, ekta natural tourist site kuntu toh hoiley Khezakena village tey locate thaki kena asey, kotey tai para itu bosti laga leader khan ke apprise kurishey, preservation aru conservation nimitey, biodiversity laga. Tai para Kapamodzu Peak tey bhi visit kurishey, kuntu toh hoiley ekta tourist hotspot asey, Zhavame village tey, Phek district laga, aru tai para bosti laga Council Member khan aru Joint Forest Management Committee (JFMC) Member khan logotey interact kurishey.
Itu Union Minister para itu bosti laga authority ke appreciate kurishey, itu rich biodiversity maintain kuria aru preserve kuria nimitey, Kapamodzu Peak laga, aru itu State laga sob forest conservation laga.
Itu State laga Union Minister ke District Administration, Police, Officer khan aru Forest Department Phek Division laga staff laga team para accompany kurishey, maney tai logotey hey biraishey utu visit kuria jaga khan tey.
Add Comment