Mumbai, February 23: Bollywood couple Richa Chadha aro Ali Faizal para produce kora first film ‘Girls Will Be Girls’ tu ‘John Cassavetes Award’ jitisey. Etu film te ‘All We Imagine As Light’ film laga actress Kani Kusruti aro nutun actress Preeti Panigrahi thakisey. Etu film tu December 2024 te Prime Video te release hoisiley. Aro viewers khan para etu film bisi khusi paisey. Etya etu film tu California te ekta dangor jeet hasil kurisey.
Etu film ke Shuchi Talati para direct kurisiley. Etu film tu ‘John Cassavetes Award’ jitiya first Indian film hoisey. Etu award tu duniya laga sobsey mashoor award majotey ekta asey.
Etu award jita picheyte, Ali Fazal para enaka koisey, “Etu jeet tu amikhan aro Indian cinema nimitey bisi important asey. Indpendent cinema laga asli matlab tu eku bhoi nakhaikina asliyat dikha tu asey, etu kiman mushkil hoisey koilebi. ‘Girls Will Be Girls’ tu exactly etu kuriasey. Etu film toh boundaries bhangaikina etihas banabole laga ekta kosis asey aro ami etu film laga hisa hobole proud mehsoos kuriasey.’
Richa Chadha para enaka koisey, “Etu award tu sapna pura huwa nisna asey. Ami ‘Girls Will Be Girls’ nisna film banaikina proud mehsoos kuriasey. Etu toh khali amilaga nohoikina pura team laga jeet asey, kun etu kahani te biswas dikhaisey
Add Comment