February 23, 2025: February 22 din deh Manipur laka security forces kan para Kangpokpi district deh taka Thanglongbung jaka deh illegal poppy kethi lah chartha acres bangai di shae.
Taikan kunba intelligence kobor deh act kuri nah, security personnel kan ekta operation launch kuri shae aro illicit poppy plants lah chartha acres bangai di shae aro chartha farm ghor keh julai di shae.
Operation hua piche deh, personnel kan para ekta FIR b register kuri shae. Investigation tho itia b kuri ase. Agae deh security forces aro Forest Department kan District Magistrate laka supervision pitor deh ekta operation conduct kuri shae. Etu operation tho Khudei Laipham hill range deh taka illicit poppy plantation keh banga bole karne taki shae. Etu hill range tho Tengnoupal Police Station laka jurisdiction pitor deh ase.
Operation time deh 10 acres nishi nah illegal poppy plants keh bangai di shae. Authorities kan para Tengnoupal Police Sttaion deh ekta case register kuri shae aro illicit cultivation laka kam kun kuri shae, taikan keh identify kuri bole investigations kan kuri ase.
Add Comment