Ruksin, February 24, 2025: Yete Sunday 9:30 am Phuzur te, ekta ghor gulishe koishe, etu ghor malik toh Tamong Darang ase koishe, aru etu toh East Siang District te ase koishe.
Yete Ghor laga sob saman, chawul, kapara, chuka laga saman aru documents khan bi pura julai dishe koishe jui para.
Etu jui julea homoi te ghor malik khan kunbi ghor te thakhea nai koishe. Hoilebi taikhan laga ghor te kaam kurea maiki, Padmeswar Mandal (35) toh thakhishe, aru tai toh gumai thakhishe koishe, yete tai toh jokhum hoishe koishe. Aru etu jui toh kinaka suru kurishe najane koishe.
Ruksin laga Fire Stattion khan etu jaga te punchi she koishe, hoilebi ghor toh pura juli kina paishe koishe.
Yete pasta family members khan Petition likhishe koishe Ruksin Circle Officer ke, yete modot mangi kina. Taikhan etea taikhan laga ghor osor te thakhea ase, misa mishi ghor ekta banai kina.
Add Comment