Karnataka, 24 February 2025: Medical negligence laka case te Karnataka laka Dakshina Kannada district te, ekta doctor pra allegedly bandage laka piece chari dishey maiki laka abdomen bitor te, jani paishey kicha taila mota pra social media platform X te post kuri shey, justice mangi shey. Incident toh user laka attention dhuri shey kicha Gagandeep B pra X te thread post kuri shey February 21, 2025 te, medical negligence detail kuri kina. Tai laka hisap pra, doctors khan private hospital Puttur, Dakshina Kannada te, allegedly bandage laka piece chari dishey taila maiki peet bitor te ceasarean section kura pichideh. Incident toh, kun toh last saal November te hoishey, week par hoi kina jani paishey kicha maki toh severe health complication pra duk paishey, enika koishey.
Gagandeep pra explained kuri shey kina maiki, Aryapina, Puttar laka manu, taike private hospital te admit kuri shey November 27, 2024 te delivery nimite. Tinta doctor laka team Dr Anil S milai kina, caesarean section kuri shey aro maiki ke discharged kuri shey December 2, 2024 te. Hoileh b ghor wapas ja pichideh, maiki toh persistent abdominal pain, fever aro olop deri hoi kina limbs te duk pa laka experience kura shuru hoishey. Halat toh aro biya wala hwa chinta nimite, maiki laka mota pra same doctors ke consult kuri shey kun pra surgery toh kuri shey. Taikhan pra advised kuri shey abdominal scan nimite, kun toh Deceber 19, 2024 te kuri shey. Scan pra jani paishey ekta bandage piece toh chari kina dikhi shey taila abdomen bitor te surgery time te.
Galti toh jani pai kina, mota pra joldi taila maiki ke alak hospital te loi jaishey tadeh doctors khan pra surgery kuri kina bandage toh hatai dishey. Maiki toh discharged hoi kina echa bhal hoi ase.
Add Comment