February 25, 2025, 06:44 PM: ICAR-Centre Tuber Crops Research Institute, Thiruvanathapuram, Kerala (NEH programme of ICAR-CTCRI & AICRP on tuber crops), aru District Administration, Wokha aru ICAR-Krishi Vigyan Kendra, Wokha Nagaland para mili kena ek din laga training programme organise kurishey, novel processing aru value addition opor tey, Tapioca aru “Ethnic Tuber crops Festival” opor tey, 24th February, 2025 tey, Wokha laga Tiyi Hall tey para, Agriculture nimitey Advisor – Mhathung Yanthan tatey special guest hisap thaki kena.
Itu programme ke address kuri kena, Mhathung Yanthan para itu District Administration para effort diya laga opor tey naam uthai dishey, itu Wokha laga Deputy Commissioner – Vineet Kumar IAS aru ICAR para chulai jai kena, eneka nishina beneficial training programme khan initiate kuri kena, itu farmer khan aru SHG khan nimitey aru tai para akha thaka laga express kurishey, ki, itu farmer khan toh hoiley dangor para laap hoboley asey koi kena. Tai para itu ICAR official khan aru scientist khan laga effort khan ke appreciate kurishey, gyan reaffirm kuria nimitey, tuber crop laga importance opor tey, itu farmer khan karney.
Observe kuri kena ki, tapioca crop toh hoiley bishi para available asey, Wokha laga jaga khan tey, Yanthan para itu farmer khan ke encourage kurishey, kheti kuriboley aru aru-bhi cultivate kuriboley karney, itu koi kena ki, itu para economy ke boost kuriboley pari asey.
Add Comment