Chennai, February 26: Tamil actor-politician Vijay para Wednesday din te Tamil Nadu laga ruling party Dravida Munnetra Kazhagam (DMK) aro Bharatija Janata Party (BJP) para chola centre majotey ‘Hindi imposition’ ke loikina debate chulithaka te comment kurisey. Tai para etu duita oarty ke bi criticize kurikina taikhan laga kaziya tu “kindergarten student khan majotey jhagra huwa nisna asey” koisey Etu laga jawab dikina, DMK para Vijay ke ekta illusion bana aro BJP logotey bhoi kha laga arop lagaisey.
Tamilaga Vettri Kazhagam(TVK) laga boss(Vijay) kun laga bisi fan asey, taikey aha saal laga Assembly election nimitey ekta tagra competitor nisna dikhi asey. Vijay para tailaga campaign laga suruwat tu DMK aro BJP ke National Education Policy aro three-language(3ta bhasa) formula opor te behes kora tu plan kurikina thaka laga asey koikina accuse kurisey.
Vijay para enaka koisey, “Ekjun(party) gana korey aro dusra para dance kurithakey, duijun bi milikina ekey logotey…etu para dikhai asey ki taikhan duijun tu halat ke enaka hey rakhibole nimitey milikina kaam kuri asey. Etu para aam manu khan laga chinta ke huninidikina aro sainidikina thaki asey.”
Vijay para tai nijor bi etu three-language policy laga khilaf te asey koikina janaisey- kuntu toh DMK para kuwa hisap te Tamil students khan ke Hindi sikhibole majbur kuridibo.
Chennai osor te TVK party laga ekta event te kotha kurikina, Vijay para centre ke bi Union Education Minister Dharmendra Pradhan para judi Tamil Nadu government para NEP aro etu three-language formula ke purapuri accept nukurisey koiley Rs 2,400 crore laga funds dibole thaka tu nidiya hoijabo koikina dhomki diya laga reports ke loikina criticize kurisey.
Mr Pradhan laga etu kotha ke loikina Tamil Nadu CM MK Stalin aro tailaga chokra aro deputy Updhayanidhi Stalin para ekta kara jawab disey. Taikhan duijun para koisey ki Tamil Nadu tu aro ekta ‘language war’ nimitey tayar asey.
Mr Pradhan aro etu duijun Stalins majotey kajiya ola laga bari te, Vijay para enaka koisey, “Centre para Tamil Nadu ke funds nidibo kuwa tu kindergarten students majotey jhagra kora nisna asey. Diya tu centre laga responsibility asey…”
Add Comment