New Delhi, February 26: Border Security Force(BSF) para Wednesday din te koisey ki taikhan para ekjun manu ke India-Pakistan laga International Border par kurithaka dikhikina etu manu ke guli maridisey.
Army para koisey ki etu manu ke sipahi khan para nihilibole kuwa laga bawajut tai hila nimitey taikey guli maridisey.
BSF para news agency ANI ke enaka koisey, “Aji puhor hobole ageyte, BSF sena para BOP Tashpatan, Pathankot border area te ekta shaak thaka laga movement dikhisey aro ekjun manu Pakistan-India border par kurithaka dikhi paisey; taikey sipahi khan para agey nabaribole challenge kurisiley hoilebi tai kotha namanikina agey bari thakisey; BSF sena para etu toh ekta khatra hobo parey koikina etu manu ke guli maridisey.”
Etu mamla tu Indian Army para Line of Control (LoC) te Pakistani sena laga khilaf te jawab dikina guli chola laga ekdin picheyte olaisey.
Add Comment