New Delhi, February 28: Bollywood actor Kiara Advani aro Sidharth Malhotra para khusi laga khobor share kurisey ki taikhan duijun tu taikhan laga first baccha expect kuriasey. Etu mota-maiki para Friday din te instagram te ekta cute photo share kurikina pregnancy laga announcement kurisey. Etu photo te taikhan duijun baby laga socks dhurikina thakisey. Etu mon chuidiya post te taikhan para enaka caption likhisey: “Amikhan laga jibon laga sobsey dangor gift. Joldi ahibole asey.”
Kiara aro Sidharth para baccha jonom hobole thaka laga tarik aro extra jankari share koranai. Hoilebi taikhan laga fans para social media te taikhan ke bisi congratulation aro badhai diya laga message pathaisey. Kiara aro Sidharth laga shaddi tu 2023 te hoisiley. Taikhan duijun tu poila para Bollywood industry laga ekta favourite couple thakisey. Aro etu pregnancy laga announcement para taikhan duijun laga rishta ke loikina khusi tu aro bisi baraidisey.
Add Comment