New Delhi, 3 March : 10 saal laga karting sensation Atiqa Mir Friday te Formula 1 Academy laga driver program te sign kora first Indian aru Asian banigai jaisey, jun tai laga motorsport dunia te rapid growth dikhibole proof ase.
Formula 1 laga female-only racing series F1 Academy tai laga karting circuit te bishi bhal performance closely track kori thakise, aru itu karone tai ke Discover Your Drive Program (DYD) te lobo faisla korsi.
Jammu aru Kashmir pora thaka itu young racer to pura duniya te mini category (age 8-11) te DYD program te select kora tinta driver majote ekjon ase.
Atiqa Formula 1 Academy represent korikina Champions of the Future Academy Program Championship te part lobo, jun laga six rounds Europe aru Middle East te hobo, aru itu weekend pora shuru hobo.
F1 Academy Atiqa laga rare talent te invest kori ase, aru tai laga fitness, driving, aru mental preparation cover kori kina financial aru technical support di thakibo.
F1 Academy te sign hoijai itu Atiqa laga racing career te ekta dangor stepping stone ase, aru tai bhi itu opportunity laga importance bhal pora bujise.
Formula 1 Academy create kora main aim to female drivers ke develop aru higher levels laga single-seater racing te progress kori dibole ase.
Susie Wolff, jun former racer ase aru Formula 1 car drive kora thakise, tai F1 Academy laga managing director ase.
F1 Academy notun female racers ke motorsport laga higher levels te loi jaboloi ekta feeder line create koribole try kori ase, aru ekta female driver ke Formula 1 pora motorsport laga top level te punchibole madad koribo laga aim ase.
Friday laga announcement pora Atiqa ekta exclusive female racers laga club te join kori jaisey, junhoboloke itu barrier todhibole try kori ase.
Last month, Atiqa first Indian female banise jun pura World Series Karting laga full season karone sign kori dise.
Add Comment