Agartala, March 8, 2025: Tripura Tribal Areas Autonomous District Council (TTAADC) khan para yete Sceheme ekta khulishe koishe, yete Nurse khan ke Japanese laga kotha training dibole nimete. Yete ekjun te Rs 50,000 nishina dibole ase koishe, yete taikhan Japan jai kina kaam pabole nimete. Etu toh Friday din te, Pradyot Kishore Debbarman, Chairman of Administrative Reforms Committee of TTAADC para khobor toh janai dishe koishe.
TTAADC khan para MoU toh Navis HR logote sign kurishe koishe, yete Japan laga Company te kaam kuribole manu pathabole karne. Yete Select kurea manu khan ke, Japanese laga Kotha training toh dea ase koishe Bangalore te. Debbarman para koishe ki, bishi manu Odisha, Assam, Meghalaya aru alak states khan para training loi kina Navis HR laga haat para Certificate toh paishe, aru kunba khan toh Japan te kaam bi kurea ase koishe.
Etea Candidates khan toh training nimete poisa nadea lebi hoi jabo koishe, etu poisa khan toh, Jaga pai loishe koile, TTAADC khan para Rs 50,000 sponsor kuribole ase koishe ekjun te. Etu nimete Debbarman para Youth manu khan ke etu tarika para taikhan laga rasta khulibi koi ase.
Add Comment