China, 21 March : Lewis Hamilton Shanghai circuit laga lap record todikena China te Friday dinte Ferrari karone dangor first sprint race pole loishe, aru Red Bull laga reigning champion Max Verstappen front row te thakise.
Seven times world champion best time 1 minute 30.849 seconds te banai dise aru last saal laga winner Verstappen olop piche 0.018 seconds te thakise first sprint race qualifying te, jun Formula One season laga first qualifying ase.
McLaren laga Oscar Piastri third te qualify hoishe aru Ferrari laga Charles Leclerc fourth te, Mercedes laga George Russell fifth te aru McLaren laga championship leader Lando Norris sixth te.
Sprint pole Hamilton karone first time ase jabi se Ferrari join kora time para, Mercedes para join kora piche. Itu bhi remarkable turnaround ase karon Australia te last weekend disappointing season-opener te 10th position te finish kori thakise.
Verstappen koi dise ki second position paana team karone morale boost ase, kintu McLarens khan ke piche rakhibi kilibi reduced distance te bishi hard hobo koi dise.
Norris bhi fast time banaibo nishina thakise kintu ekta mistake kori kina wide run hoijai, aru British driver ke laga lap abort koribo lagishe.
Italian rookie Andrea Kimi Antonelli seventh te start koribo, aru Racing Bulls laga Yuki Tsunoda, Williams laga Alex Albon aru Aston Martin laga Lance Stroll piche te thakibo.
British rookie Oliver Bearman Haas karone strong return dishe jabi se Melbourne te error-strewn opener korishi, aru Saturday laga grid te 12th te lineup koribo aru Williams laga Carlos Sainz jun 13th te thakibo, tai laga piche te thakibo.
Red Bull laga Liam Lawson karone bhal nohoi, karon tai laga difficult start Verstappen laga naya teammate hobo karone continue kori thakise aru sprint grid te last te thakise aru complain kori thakise ki tyres work nohoi thakise.
Alpine khan te ekjun bhi first phase of qualifying te pass nohoi, Frenchman Pierre Gasly 17th te lineup koribo aru Australian rookie Jack Doohan 16th te thakibo.
Add Comment