Shillong, 21 March : Team India laga midfielder Brandon Fernandes injury paigina Blue Tigers laga squad para replace hoi jai aru taikan laga jaiga te Udanta Singh ke lobo dise. Itu injury Fernandes Wednesday dinte Maldives logot friendly match khelithaka homoi first half te paise, Jawaharlal Nehru Stadium, Shillong te khelathakise, jun Meghalayan city karone first-ever international football fixture hoishe aru India karone 3-0 laga positive result ahi thakise Sunil Chhetri laga wapas ahi thaka karone.
Chhetri, jun last saal international career te 151 games khelikena retire hoishe, tai laga faisla para ulta ghuri kina Manolo Marquez (head coach) laga request karone wapas ahi dise team ke madat koribo karone, karon taikan AFC Asian Cup 2027 spot paboloi try kori thakise.
Team India score shuru korise jabi defender Rahul Bheke sab para bishi jump mari kina Fernandes laga corner kick ke header marikena net te dishe aru host khan ke Red Snappers logot 1-0 lead loi dise aru break te jai thakise.
Liston Colaco, jun India laga score double korise game laga second period te, Blue Tigers karone first strike net korise. Piche te Chhetri aru ekta header marikena score 3-0 banai dise aru tai laga name scoresheet te add korise tai laga second coming karone Indian national football team te. Manolo Marquez tai laga first win team laga head coach hisab te pai dise.
India 25th March te Shillong te Bangladesh logot AFC Asian Cup third-round qualifiers te kheli jabole ase.
Add Comment