New Delhi, march 23: Indian gymnast Pranati Nayak tu Saturday te FIG Artistic Gymnastics Apparatus World Cup laga Vault Final te bronze medal jitise, juntu Antalya, Turkey te hoisiley.
29 years laga Nayak, kun Tokyo Olympics te India ke represent kurishe, vault final te total 13.417 score kurikena third position te finish kurishe. Tai ageyte te American pair Jayla Hang (13.667) aru Claire Pease (13.567) asey. Nayak para Antalya te PTI ke enaka koisey,“Etu saal ekta medal para start kuribole bishi bhal lagi ase. Etu moi karone ekta confidence baraidiya laga ase. Moi last year bhi jitisiley, ami bisi khusi asey.” Tai vault qualification te 13.317 score kuri she. “Moilaga next target Asia Championships aru World Championships te medal jitibole ase, etu saal karone moilaga main focus etu ase.” Nayak para koisey. Pranati para juwa saal laga Paris Olympics ageyte FIG Apparatus World Cup Cairo te women’s vault event laga bronze medal jitisiley.. Tai tu 2019 (Ulaanbaatar) aru 2022 (Doha) Asian Championships te bhi vault event laga bronze medal jitisey.”** Nayak tu bishi jokhom kha laga problem face kurikena ahisey aru Paris Olympics karone qualify nuhuwa nimitey bisi mondukh hoikina thakisey. Hoilebi tailaga coach Ashok Kumar Mishra laga support para, tai confidence wapas paishe. Pranati tu vault event te international medal jitiya third Indian gymnast asey, Dipa Karmakar (2018 Mersin Gold, 2018 Cottbus Bronze) aru Aruna Reddy (2018 World Cup Melbourne) picheyte. Tai 2014 aru 2018 laga Commonwealth Games te compete kurishe, aru 2014 aru 2018 laga Asian Games te bhi participate kurisey. Tai 2014, 2017, aru 2019 laga World Championships te bhi India ke represent kurishe.
Add Comment