Andrew Wiggins 42 score kurishey, Heat halt skid vs. Hornets

Miami, 24 March : Andrew Wiggins laga season-high 42 points te 15 points third quarter te mari kene host team Miami Heat laga 10-game losing streak rukhai diseh, aru Charlotte Hornets ke Sunday rati 122-105 pichi diseh.

Wiggins – jun tu laga career-high point total te paanch points short hoisheh – field te 21 pora 16 shots mari diseh, aru itu te 3-point range pora 8 pora 6 shots milai diseh. Taike laga stats te paanch assists aru duita steals bhi ase.

Miami Heat, jun tu 2007-08 pora laga longest skid rukhai diseh, Tyler Herro pora 29 points paiseh, jun tu left hip contusion thaka bhi kheliseh. Bam Adebayo bhi sprained left knee thaka pora kheliseh aru 11 points score kuriseh. Miami laga Kel’el Ware aru Davion Mitchell dujona mili kene 12 points kori diseh.

Charlotte Hornets laga taraf pora LaMelo Ball lead kuriseh, jun tu 18 points aru game-high 11 assists diseh. Charlotte jun tu road te 7-28 ase, Nick Smith Jr. pora 19 points, Miles Bridges pora 17 points aru Mark Williams pora 14 points paiseh.

13-0 run karone, Hornets first quarter te 26-20 lead kuriseh. Smith laga first quarter te 9 points thakiseh, jun tu Miami logot agor duita game te milaikene total 7 points thakiseh.

Adebayo first quarter te score kuribole paranaai karone Miami laga shooting percentage 55 percent pora 40 percent te thakiseh. Miami second quarter te 12 points picheh thaka bhi 22-2 run marikene half-time te 57-47 lead paiseh.

Itu quarter te, Miami laga shooting percentage dangor hoi kene 68.2 percent paiseh aru paint points aru fastbreak points te advantage paiseh. Charlotte laga shooting percentage itu quarter te sirf 30 percent thakiseh.

Miami third quarter te game purai control te loi luisheh aru 96-75 lead paiseh, Wiggins 11 shots pora 7 shots mari kene aru Miami overall 64 percent shooting te thaakiseh.

Fourth quarter te Miami ke challenge kuribole napare aru game finish kuriseh 57.3 percent shooting te, aru itu te 3-pointers pora 41.4 percent ase. Charlotte overall 47.1 percent shooting aru 3-pointers te 33.3 percent shooting paiseh.