Idaho, 24 March : Lindsey Vonn 40 saal umr te laga comeback season World Cup super-G race te second-place finish kuri kene end kuriseh aru itu race Sunday din Swiss laga dangor skier Lara Gut-Behrami jitiseh.
Vonn laga vintage form dekhibole paiseh jitia tai twisting aru steep Challenger course te World Cup finals te ulai thaakiseh. Scoreboard te chuli kene thakibole picheh tai laga ski poles pump kuri diseh aru dangor crowd ekjon pora cheer kuri thaakiseh.
Itu Vonn laga first World Cup podium spot ase March 15, 2018 pora, jitia tai Are, Sweden te ekta super-G te third finish kuriseh. Vonn partial knee replacement picheh, itu season te retirement pora wapas ahi kene race kuriseh.
“Juntu level te moi skiing kuri ase, itu hard road hoisheh,” Vonn race picheh koi diseh. “Moi bar bar proof kuri ase ki kun baat bhi possible ase. Moi personal life te, physically, mentally olop olop knock down hoisheh, beat down hoisheh, kintu moi sob time wapas uthi ahiseh. Itu sob time easy nohoi.
“Actually, itu bishi hard work lage. Kintu itu hi lagibo, ekta ekta step loi loi hard days khan te pass kuri jabo. Jitia ekta ekta step loi loi ageh jabole thakibo, itu din ahibo juntu din morom kurithaka jaga te ponchabo.”
Vonn hoisheh oldest female Alpine ski racer jun tu World Cup race laga podium te uthiseh — aru itu record pora chhoi saal ageh ase.
Itu Vonn laga 138th career World Cup podium ase aru 408th World Cup start ase. Tai ekjon away thakiseh, juntu record ase most starts by a female racer, aru itu record Austria laga Renate Goetschl pora hold kura ase.
34 saal umr Italian racer Federica Brignone bhi bishi surprise nohoi thaakiseh. “Tai toh Lindsey Vonn ase,” Brignone koi diseh. “Tai naramol injury pora recover hoa manu nohoi. Tai laga qualities ase aru tai ekjon dangor champion ase. Aji din te, sob pieces mili kene tai ekta amazing race kuriseh.” Gut-Behrami 1 minute, 12.35 seconds te finish kuriseh — aru Vonn pora 1.29 seconds ageh finish kuri kene — aru season-long super-G crystal globe aru jitilo, Brignone ke overtake kuri kene. Gut-Behrami race shuru hobar agote Brignone pora 5 points picheh thakiseh. Tai bhal speed loi kene aru calculated risks loi kene course te glide kuri diseh. Brignone third place finish kuriseh, Gut-Behrami pora 1.33 seconds piche
Add Comment