March 26, 2025, 07:10 PM: NITI Aayog aru Nagaland laga Government logotey collaborate kuri kena, ekta Regional Workshop loishey, Public Heath & WASH opor tey, North Eastern State khan nimitey, ekta NE Volution initiative loishey, 26th March, 2025 tey, Town Hall tey para, Zone Niathu laga Park osor laga, Chumoukedima tey.
Itu Regional Workshop toh hoiley ekta crucial platform hisap serve kurey, itu region laga sob para bishi press kuria laga public health challenge khan, pani sanitation, hygiene, aru waste management laga related tey.
Public Health Engineering Department aru Co-operation laga Minister- Jacob Zhimomi para itu workshop tey kotha kuri kena highlight kurishey ki, Nagaland tey 3,63,829 rural household khan majetey 3,37,498 household khan nahoilebi 92.76 % khan ke Functional Household Tap Connection (FHTC) provide kuri di kena asey, itya tak tey.
Zhimomi para mention kurishey ki, itu State toh hoiley itu sob bachi kena thaka bosti khan ke saturate kuriboley plan khan kuri asey koi kena, Nagaland tey, 2025-26 tey, Solid Waste Management laga arrange khan kuri kena 549 bosti khan tey, Grey Water Management arrange kuri kena, 518 bosti khan tey, Plastic Waste Management Unit khan 16 Blocks tey aru Faecal Sludge Management system khan 6 Block khan tey.
Itu programme kaga highlight khan tey technical session thakishey, kotey key point khan discuss kurishey, utu toh hoiley – Swachh North East: Sanitation, Solid & Liquid Waste Management, Swajal- Drinking water in NE: Water quality, Biological & Chemical Contaminants, Swasth NE: WASH laga Public Health Implication khan laga kotha khan kurishey. Itu inaugural session tey, ‘Public Health (WASH) outcome khan accelerate kuri kena, action nimitey ekta regional call kurishey, aspirational district khan aru block khan laga’ kuntu toh hoiley Programme Director, NITI Aayog, Yugal Joshi para deliver kurishey.
Add Comment