March 28, 2025, 05:29 PM: Nagaland laga Government – La Ganesan para Meluri district tey visit kurishey, 28th March, 2025 tey. Meluri laga manu khan ke address kuri kena, Governor para itu region laga bright future aru developmental potential opor tey emphasize kurishey.
Tai khushi thaka laga express kuri kena, itu district tey visit kuria opor tey, Chief Minister – Nephiu Rio kaga effort ke acknowledge kurishey, Meluri district ke official para inaugurate kuria nimitey, February 2025 tey.
“Meluri toh hoiley sob para notun district hobo parey moi khan laga state laga, hoiley itu district toh hoiley bishi promise khan bukhey, ekta bhal future nimitey”, itu Governor para remark kurishey. Tai para itu district ke “the Land of Fortunes” koi kena describe kurishey, itu district laga mineral resources, biodiversity, tourism potential aru scenic sundor thaka laga highlight kuri kena.
Itu propose kuri kena thaka inland waterway kuntu toh Myanmar laga Chindwar River ke link kuri asey Nagaland laga Tizu River ke, itu toh hoiley ekta key development project asey. Itu Governor laga hisap tey, itu initiative toh hoiley ekta strategic trade link hisap tey serve kuriboley lagey, Southeast Asia logotey, Meluri ke ekta international trade hub hisap position kuri di kena.
Itu Governor para itu state government laga commitment bhi underscore kurishey, raasta laga aru transport infrastructure enhance kuriboley karney, particular para Meluri ke itu state capital aru Avangkhu ke connect kuri kena, kuntu toh hoiley Myanmar ke border kurey. Tai para koishey itu advancement toh hoiley economic growth nimitey raasta khulidibo aru essential service khan karney access banai diboley asey.
Add Comment