March 29, 2025, 03:27 PM: Ekta ek-din laga training conduct kurishey, Archival Records Management opor tey, Benreu village, Peren tey, kuntu toh hoiley Art & Culture Department, Nagaland para organize kurishey, 28th March, 2025 tey, tatey training laga resource person khan – Research Officer Art & Culture, Lanukaba Imchen aru Record Keeper, Thonyi Krocha, khan thaki kena.
Itu resource person khan itu session laga homoi tey, document khan archive kuriboley laga importance opor tey share kurishey aru keneka important record khan aru document khan archive kuriboley paribo aru ekta thik jaga tey store kuriboley paribo aru ekta systematic manner tey.
Tai khan para input khan bhi dishey, itu trainee khan ke, keneka safe para maintain kuribo paribo aru improve kuribo paribo, church aru bosti laga record khan archive kuriboley, aru bhi systematic para.
Itu training tey toh hoiley bosti laga council member khan , church leader khan aru alag manu khan para attend kurishey. Itu practical session laga homoi tey, resource person khan para church archive section tey bhi visit kurishey aru tai khan laga input khan aru suggestion khan dishey, aru bhi systematic archival management khan nimitey.
Assistant Director, Art & Culture, Peihau Nsarangbe para ekta introductory speech dishey, itu training opor tey aru Secretary Archive committee BBU Suipeu Iheilung para vote of thanks janaishey.
Add Comment