March 29, 2025, 03:40 PM: Yingli College, Lonlgeng para “Monyiü karney ekta Prelude” celebrate kurishey, itu “Revive, Relearn, Progress: A Cultural Journey” laga theme under tey, Longleng laga Police (SP) laga Superintendent – Yanger Jamir, NPS logotey, tatey special guest hisap thaki kena, 28th March, 2025 tey.
SP, Yanger Jamir para tai laga address tey itu faculty khan aru administration ke congratulate kurishey, Yingli college laga, hudai din progress hoi thaka nimitey. Tai para koishey ki, Naga manu khan particular para itu Phom community toh tai khan nijey laga identity opor tey proud hoboley lagey, kiley sob manu khan toh hoiley unique asey tai khan laga nijey laga tarika para aru tai khan kiya bhi try nakuri kena surrender nakuriboley lagey.
Tai para aru bhi itu student khan ke tai khan laga career bhal para sai kena choose kuriboley koishey, itu jani kena ki, sob manu khan toh hoiley gazetted officer toh hoboley naparibo koi kena. Itu nahoi kena tai para tai khan ke tai khan laga talent khan aru interest khan chiniboley koishey aru meaningful goal khan set kuriboley koishey itu laga hisap tey.
Shuru shuru tey, Ainyu Phom, President, Phomla Hoichem para welcome address deliver kurishey aru N. Nanpei Phom, Head GB, Bhumnyu Village para itu Bhumnyu villager khan laga mati contribute kuria laga history narrate kurishey, itu Yingli College laga establishment nimitey.
Pichetey, Memorandum of Understanding (MoU) sign kurishey, itu Police laga Superintendent logotey, paach saal laga internship nimitey, capacity build kuriboley, community engagement aru public safety karney kaam kuriboley karney.
Itu MoU toh hoiley institution khan ke collaborate kuriboley karney enable kuriboley asey, local laga matter khan, state laga aru national importance opor tey bhi, student laga education ke prioritize kuri kena.
Add Comment