March 31, 2025, 06:05 PM: Dimapur tey, Dhobinala – Signal Angami- Thahekhu para Rangapahar raasta khan tey pot hole para hey pura bhorta hoi jaishey.
Itu pot hole khan para kaam tey aha jawa kuria manu khan karney bishi danger tey dhali di asey. Mau khan hudai bishi risk para up down kuri asey.
Itu raasta khan toh hoiley PWD, Executive Engineer Division under tey girey. Itu Department under tey hey itu raasta toh maintenance kuriboley laga asey. Itu raasta khan toh hoiley pura napi kena shaishey koiley 3.5 Km laga lamba thakibo.
Raasta banawa toh hoiley, German Technology chulai kena banawa laga thakishey koishey. Aru itu toh hoiley 15 saal tak lasting jaboley laga asey koi kena koi thakishey, koishey.
Itu raasta bawana toh hoiley 2015 laga last phaney banawa laga thakishey & itu banawa toh 2016 laga shuru shuru phaney banai kena khotom hoa laga thakishey.
Public khan para concern department khan ke appeal kurishey, itu matter laga opor tey saboley karney.
Add Comment