April 07, 2025, 07:13 PM: Itu Pathkind Collection Center toh hoiley Mon town tey launch kurishey, 5th April, 2025 tey. Easy access provide kuriboley karney, healthcare diagnostics ke. Mon district laga manu khan nimitey. Itu Center toh hoiley Pathkind Laboratory, ekta National Accreditation Board, Test kuriboley nimitey aru Calibration Laboratories (NABL) accredited lab aru Eastern Diagnostic Center, Mon town majetey collaborate kuria laga asey.
Itu Center toh hoiley, MLA Mankhao Konyak para launch kuria laga thakishey, Environment, Forest & Climate Change laga Minister – CL John, Advisor Treasuries & Accounts aru Art & Culture – Konngam Konyak; Nyamnyei Konyak, MLA aru Manpon Konyak, MLA laga presence tey.
Wennyei Konyak, Resident Commissioner, New Delhi, Dr. Hentok Phom, Joint Director aru State Nodal Officer (Health & Family Welfare), New Delhi aru Dr. Supongmenla Walling, CMO, Mon district para bhi itu function ke grace kurishey.
Pathkind Collection Center laga kunba key feature khan toh hoiley NABL para accredit kuri diya laga asey, high standard khan ensure kuri kena, diagnostic service khan tey.
Itu lab toh hoiley state-of-the-art machine khan logotey equipped asey aru certified pathologist khan aru technician khan para staffed asey. Pathkind toh hoiley alag alag health check-up package khan offer kuriboley asey. Specialized test khan include thaki kena, oncology, neurology, gynecology, nephrology, aru bishi tey.
Itu Lab toh hoiley home collection service bhi provide kuriboley asey, patient khan laga convenience nimitey.
Itu center toh hoiley healthcare accessibility improve kuriboley aim kuria laga asey, Mon district tey, high-quality diagnostic service khan provide kuri kena. Patient khan dur dur tey jai thakiboley nalagi kena, dangor center khan tey, medical care nimitey.
Add Comment