GUWAHATI | December 12, 2018: Assam Panchayat elections laga counting aji pora shuru hoishe sob district te .
Etu vote count toh 8 am pora shuru kurishe aji pora.Error free counting kuribole nimete arrangement khan kurikena ase .Polls nimete komti hoilebi 78,000 candidates contest kuri ase .
Duita phase election te komti hoilebi 82 percent voting hoishe.Juwa Kali repolling toh 53 polling stations te polls kurishe second phase te.
Sob major political parties khan etu te BJP, Congress, Asom Gana Parishad, Bodoland Peoples Front, Left parties aro AIUDF etu election time te contest kurishe.
420 Zila Parishad member seats nimete komti hoilebi sob milaikena 1,512 candidates khan contest kuri ase , 2,199 Anchalik Panchayat member seats nimete 7,004 candidates, 2,199 Gaon Panchayat president seats nimete 7,667 candidates ase ,aro 21,990 Gaon Panchayat ward member seats nimete 62,388 candidates khan contest kuri ase .
Komti hoilebi 734 candidates khan alag alag panchayat seats nimete contest kuri thaka toh jita manu hoishe contest nakurikena .Etu te 380 manu khan toh BJP pora ase ,193 toh Congress aro 28 toh AGP pora ase .
Add Comment