April 09, 2025, 05:22 PM: Itu 3rd Longleng District Inter Departmental Tournament shuru hoishey, 9th April, 2025 tey. Indoor Badminton Stadium Longleng tey, tatey Executive Secretary PBCA, N. Tialemba Phom special guest hisap thaki kena.
Deputy Commissioner aru Chairman District Sport Council Longleng, W. Manpai Phom para ekta vital role play kurishey, itu country pura tey. Manu khan ke eke logotey ani di kena, inner quality khan aru ability khan explore kuri kena. Tai para aru koishey aru akha kuri asey ki, itu Longleng district laga Inter departmental tournament toh hoiley unity aru harmony laga bond anibo koi kena, department khan laga majetey bhi. Ekta example cite kuri kena, tai para supplement kuri kena keneka sports aru games toh hoiley ekta pivotal role play kurey, special para Naga Political Group khan ke eke logotey ana laga. Judi bhi tai khan laga nijey laga political aru ideological difference khan thaki kena bhi. Tai toh hoiley optimistic thakishey ki, itu event toh hoiley moi khan laga unity reflect kuriboley asey aru relationship bhi aniboley asey, itu department khan laga majetey, ekjon ekjon ke introduce kuri kena. Aru Morom laga connection aru natural growth banai kena. Itu event toh hoiley example laga ekta model hoi jaboley asey, itu district laga manu khan nimitey.
District Sports Officer, Kenongoto Thokhwe para kosom khawa laga ceremony lead kurishey. Phom Lempong Higher Secondary School para ekta special presentation perform kurishey. Itu programme toh hoiley Assistant Horticulture Officer, Angngoi Buchem para chair kurishey.
Itu dui din laga event toh hoiley sports discipline feature kuriboley asey – Badminton, Tug of War, Carron, Air rifle shooting, Table Tennis aru Football Penalty Shootout khan nishina. Itu tournament to hoiley ekta declaration logotey shuru kuriboley asey, itu special guest para.
Add Comment