April 10, 2025: Tuesday din te Officials khan para koishe ki.Lunglei toh Mizoram laga Second sobse dangor town ase koishe, Aizawl pichete. Yete taikhan panni komti thakhi kina duk pai ase koishe Etea. Yete Dry Season toh bishi diri homoi karne ja nimete.
Superintending Engineer of the Public Health Engineering (PHE) Department, Zohmingliana para koishe ki. Etu town te 80,000 ghor nishina ase koishe. Aru taikhan toh March laga moina para duk pa ase koishe, Panni nathakhi kina. Aru April moina te toh aru bishi duk pai ase koishe. Yete Tlawng Nodi toh Lunglei laga panni Source ase. Aru etu nodi bi suki jai ase.
Aru alak Pialthleng nodi bi purasuki jaishe koishe. Official khan para koishe ki January laga moina para etea tak Panni ekbar bi girea nai. Etu karne nodi khan bi suki jai ase koishe.
Aru etu town troh 3.5 Million liters panni chulai koishe ekdin te. Aru yete khali 1.5 Million Liters per day he pai koishe Tlawng Nodi para. Yete poila te toh Ekta ghanda te panni toh pump kurea koishe. Hoilebi etea toh 9-13 hours nishina lagea koishe.
Add Comment