April 11, 2025: April 10 din te, Manipur Police khan para 3da militants ke arrest kurishe. Aru Hatiar banduk khan bi durishe koishe.
Imphal East Distrkct te. Forces khan para Oinam Rabichandra Singh ke durishe. Tai toh 33 saal ase. Aru KYKL/SOREPA laga member ase koishe. Taike Lamlai Police Station laga bitor para arrest kurishe koishe.
Alak Operation te, Authorities khan para Mutum Kamei Badal ke arrest kurishe. Tai toh 40 saal ase. Aru RPF/PLA laga member ase Jiribam District laga Uchathol te. Officials khan para koishe ki, tai toh manu ke damki di thakhishe. Aru banduk khan bi bukhi thakhishe. Tai laga haat para Mobile bi durishe.
Aru Kairang Bosti te. Forces khan 21 saal Md. Israk Khan ke durishe. Tai toh KCP (PWG) laga group ase koishe. Tailaga haat para mobile paishe koishe. Security Forces khan para bi Hill aru Valley District te bisarea laga Operation kurishe. Yete taikhan Churachandpur District te. .22 rifle banduk aru khali magazine paishe, Single barrel banduk aru duita Pompi bi paishe koishe.
Add Comment