April 14, 2025, 04:26 PM: Chief Minister, Dr. Neiphiu Rio para official para itu Nagaland Solar Mission launch kurishey, install kuriboley nimitey. Residential Roof Top Solar (RTS) laga, itu Prime Minister Surya Ghar: Muft Bijli Yojana (PMSG:MBY) logotey convergence tey, Power laga Minister aru Parliamentary Affairs K. G. Kenye laga samney tey. Chief Minister’s Office, Nagaland Civil Secretariat, Kohima tey para, 14th April, 2025 tey.
Itu launch kuria laga program tey address kuri kena, Dr. Rio para koishey ki, Nagaland Government toh hoiley major step loishey, power deficit khan address kuriboley, itu state bhitor pura tey, itu solar mission launch kuri kena.
Rio para koishey, itu green energy revolution ke support kuri thakiboley, itu State Government para toh hoiley decide kurishey, itu initiative ke support kuriboley karney. Ekta additional support State subsidy ₹ 50,000 tak laga, 3Kw nishina tak laga, budgetary support para provide kuri kena.
Rio para state kurishey ki, itu State aru Central Government subsidy eke logotey, itu bishi bhak laga daam toh cover kuriboley asey, solar power install kuriboley, ghor khan tey. Tai para aru koishey, ki installation ekla nahoi kena, itu power produce kuria aru grid ke supply kuria para toh hoiley manu laga ghor khan ke electricity laga bill khan bhi komti hoboley modod kuriboley asey.
Rio para, itu nimitey, itu Nagaland laga citizen khan ke urge kursihey, itu opportunity ke avail kuriboley aru itu sustainable solar power production ke transition thaka laga benefit khan laab uthaboley koishey.
Itu department para aru inform kurishey ki, itya laga latest data laga hisap tey, 247 application khan toh hoiley agey para receive kuri loi kena asey, itu scheme toh avial kuriboley karney. Sob consumer khan aru prospective khan toh website www.pmsuryaghar.gov.in tey visit kuriboley koishey. Nahoilebi, itu di kena thaka +919366911176, +917641007201 tey contact kuriboley koishey.
Add Comment