Odisha, 15 April 2025: Duita manu muri shey aro eighta laka manu jokom hoishey generator toh live electric wire lokot laga pichideh Patua jatra procession time te Odisha te Monday din saam te. Celebration toh hatsa hoi jaishey hatuari bosti te Odisha laka Bhadrak district te kicha ekta diesel generator DJ System karne chulai thaki shey Patua Jatra procession time te, ekta 11KV overhead electric line lokot lagi shey. Etu pra khatarnak electrocution hoishey. Sources laka hisap ra, generator unit, gari laka opor te rakha toh, high-tension wire laka against te burshed hoishey. Contact toh ekbar she generator set ke electrified kuri dishey aro dangor electric shock hoishey. Duita manu jaka te muri jaishey aro eight manu juli kina jokom hoishey accident te.
Kunba anu DJ te uthi shey aro contact te ahishey 11Kv live wire lokot. Aro jaka te taike electrocute kuri dishey. Eighta manu jokom hoishey etu hatsa te. Total dos jun manu affect oishey hatsa te. Moi pra SP ke koi dishey jhamala toh investigate kuribo leh. Bhadrak district Magistrate Dilip Routray pra koishey, hatsa toh confirm kuri kina. Jokom hwa khan ke joldi local hospital te loi jaishey treatment karne. Kunba critical victims khan ke olop deri hoi kina District Headquarters Hospital te shift kuri dishey Bhadrak te advanced medical care karne. Police pra koishe taikhan warned kuri shey organisers khan ke DJ laka use against te enika procession time te. Hoileh b taikhan directives ke ignored kuri shey.
Bhadrak superintendent of Police pra koishey, Police khan pra organisers khan ke warned kuri shey DJ music baja boleh against te procession time te. Hoileh b directives khan ignored kuri shey. Moikhan echa investigate kuri ase kunba pra permission dishey gari karne, height aro kina safety guidelines lokot mili shey.
Add Comment