Karnataka, 15 April 2025: Mota group pra allegedly ekta 38 saal maiki ke assault kuri shey mosque laka bahar te Karnataka laka Davanagere te. Taike summoned mura pichideh domestic jakara opor te. Incident toh video te record kuri shey aro olop deri hoi kina online te viral hoishey. Etu hoi kina cheita manu ke dhuri shey. Maiki, Shabina Banu, tai laka hisap pra tai aro tai laka relative Nasreen (32) aro ekta manu nam Fayaz. Taikhan ke mati shey local mosque, Jama Masjid te Tavarekere bosti te district laka Channagiri taluk te. Tai laka mota Jameel Ahmed Shameer pra complaint filed kura pichideh. Hamla toh mosque laka bahar te hoishey kute manu laka group khan reportedly Shabina ke lathi, pipe pra mari shey aro taike phator pra b maribo leh koshis kuri shey. Kute alleged ase taike muribo leh koshis kuri ase.
Video opor te widespread outrage hoi kina, police pra cheita manu ke dhuri shey- Mohammad Niyaz, Mohammad Gauspeer, Chand Basha, Inayat Ullah, Dastagir aro Rasool- taikhan sop toh Shabina laka complaint te thaki shey. Tai laka complaint te, Shabina kun house help hoi kina kam kureh, koisey tai laka relative Nasreen taike lokot kuribo ahishey April 7 te. Etu din te, duita maiki Shabina laka bacha lokot, hill te jaishey Bukkambudi te aro olop saam hoi kina wapas ahishey. Etu din te Fayaz koina ekta manu b taike visit kuri shey. Olop deri hoi kina Shabina laka mota Jameel ghor te wapas ahishey aro duijun Nasreen aro Fayaz ke ghor te paishey. Taikhan ke dikhi kina kushi napai kina, tai lcal mosque te jaishey aro complaint filed kuir shey. Etu pichideh Shabina, Fayaz aro Nasreen ke mati shey mosque te tadeh hamla toh hoishey.
Add Comment