April 15, 2025, 5:51 PM: Nagaland laga Chief Minister – Dr. Neiphiu Rio para itu 8th Eastern Naga Student Federation (ENSF) Cultural Fiesta Cum General Conference grace kurishey, itu ‘Deliverance through Ethnicity Concord’ theme under tey. Tuensang laga Parade Ground tey para loishey 15th April, 2025 tey, tatey Chief Guest hisap buhi kena.
Dr. Rio para itu occasion tey kotha kuri kena, itu ENSF ke thanks janaishey, tai ke invite kuria nimity, itu General session tey. Rio para highlight kurishey ki, India laga Government toh hoiley declare kurishey, Education karney Right thaka laga, itu age khan nimitey. Aru Nagaland toh hoiley itya process tey asey, quality education provide kuriboley karney, kuntu toh hoiley student khan ke alag manu khan logotey compete kuriboley enable kuribo.
Tai para assert kurishey ki, Nagaland laga Eastern Part ke toh hoiley Backward koi kena matey, kiley koiley Eastern area khan toh hoiley poila jamana tey itu British khan para administer nakuri kena jai jawa laga thakishey.
1957 tey hey itu jaga tey tai khan laga headquarter establish kurishey, Tuensang tey, Naga Hills Tuensang Area koi kena.
Itu Nagaland laga mainland tey Christianity toh hoiley juldi aha laga thakishey, aru itu pichetey Education ahishey, itu nimitey itu Eastern Naga area khan toh hoiley bishi diri para shuru hoishey, education tey, tai para koishey.
Pichetey, itu Chief Minister para itu Cultural Feast declare kurishey aru itu Cultural Exhibition & Tribal Stall khan inaugurate kurishey.
Shaam laga session tey, Chief Minister karney advisor aru IDAN laga Chairman – Abu Metha para itu Folk Fusion grace kurishey, tatey Special Guest hisap thaki kena.
Add Comment