Noida, 16 April 2025: Ekta maiki pra complaint lodged kuri shey Noida Police lokot tai laka mota against te. Taike infidelity accused kuri shey tai United State te thaka time te aro olop deri hoi kina taikhan laka shadi toh acknowledge kuribo leh mana kuri shey. Tai laka complaint te, maiki pra tai laka in-laws ke b accused kuri shey mental, physical aro emotional abuse karne. Police sources pra koishey maiki toh 2013 te shadi kuri shey. Jhamala toh etu hoi kina joldi shuru hoishey. Maiki pra alleged kuri shey ki shadi hoi kina, tai laka mota Prashant maiki laka salary opor te depend kura shuru hoishey aro tai laka baba pra puisa dia b loi dishey. Koishey etu toh dowry laka hisa ase.
Maiki pra koishey tai laka mota India te September 2023 te wapas ahishey. Taike medical condition lokot diagnosed thaki shey. Complainant pra alleged kuri shey condition toh bishi maiki lokot relationship karne ase. Kicha tai mota ke etu opor te huti shey, taike mental harassment kuri shey aro taunt kuri shey bacha napa karne. May 2024 te maiki United States te jaishey jani boleh. Tadeh tai jani paishey kina mota toh false documents chulai kina visa paishey aro alak city te bhui thaki shey. Kicha local police khan Prashant ke huti shey, tai maiki ke nachineh koishey aro koishey taijun toh divorced kuri shey.
India te wapas ahi kina, maiki pra alleged kuri shey taike in-laws laka ghor te gusibo dinai. Etu hoina kina tai complaint filed kuri shey protection bisari kina. Tai laka complaint te, tai pra koishey tai death treats paishey aro tai laka jewellery aro important documents khan toh tai laka in-laws lokot ase. FIR registered kuri shey Prashant, maiki laka father-in-law, mother-in-law, brother-in-law aro sister-in-law laka against te. Noida police kan etu jhamala opor te investigation shuru kuri shey.
Add Comment