Manipur Security: 10 Militants Ke Arrest Kurishe

April 20, 2025: Manipur Police aru Security Forces khan para. April 17 para April 19 tak operation khan kurishe. Yete taikhan 10 Militants nishina ke arrest kurishe koishe. Aru etu khan sob bi alak alak group para ase. Yete etu ekila nahoi kina. District laga alak alak jagate Operation kuri kina. Taikhan Tactical Saman, Mobile Phones, Poisa, Identification Documents aru Chor kurea laga gari bi paishe koishe. April 19 din te Duita UNLF group manu ke durishe. Tai khan toh Yumnam Naocha Singh (24) aru Heikhrujam Bidyachandra Singh (28) ase koishe. Tai dujun ke Imphal East District laga Napetpalli Andro Rasta para durishe koishe. Taikhan laga haat para duita phone, bag ekta, aru wallet te Rs 3,630 thakhi kina paishe koishe. Aru April 18 din tebi. Imphal East, Imphal West, Bishnupur aru Kakching Districts te operation kurishe. Aru yete taikhan Banned Outfits laga group bishi manu ke durishe koishe. Imphal East te, PREPAK laga group, Takellambam Yaiphaba Meitei (26) ke durishe. Aru Manipur Police khan parabi duita Kangleipak Communist Party ke durishe. Kangabam Rohit Singh (30) aru Oinam Bobby Meitei (38) ase koishe. Taikhan laga haat para 3da phone, wallet te Aadhaar card, Poisa Rs 7,810 aru bike ekta bi paishe koishe. Aru alak operation khan tebi. alak alak group manu ke durishe koishe.