Police khan para Ganja Rs 1 Crore laga Durishe

Agartala, April 20, 2025: Yete Police khan laga tarika toh, Ganja duribole aru Ganja laga kaam kurea khan ke arrest kuribole ase koishe. Aru yete Assam laga Churaibari ‘Naka’ Point Bordering Karimganj District te. Police khan para 345 kg Ganka duribole parishe koishe. Yete 59 packets nishina thakhishe. Aru etu saman khan toh Chawul laga machine te lokai kina thakhishe koishe. Aru etu durea laga Ganja khan toh Rs 1.3 Crore nishina ase koishe Black Market te. Churaibari khan laga Police khan para koishe ki. Taikhan tarika kuri kina. Mini Tata Gari ekta te Ganja bukhi kina ja toh khobor janishe. Aru etu gari toh Naka Point te ahishe koishe. Yete Police khan para gari toh rukhai kina Bisarishe koishe. Yete gari laga bitor te Machine ekta thakhishe. Etu machine kulea pichete, taikhan Ganja thakhea toh durishe. Yete Police khan para Gari aru Ganja bi durishe koishe.  Aru Tata Gari laga Driver, Monita Mohan Jamatya ase koishe. Aru tai toh 45 saal ase. Taike NDPS Act laga bitor te arrest kurishe. Aru taike Dharma Nagar Court te anibole ase koishe.