April 21, 2025, 06:40 PM: Tseminyu tey Baby Show organize kurishey, ICDS project under tey, aru itu event toh hoiley T. Zisunyu village laga council hall tey para loishey, 21st April, 2025 tey. Itu program toh hoiley Poshan Pakhwada 2025 laga part hisap tey loishey.
Itu keynote address toh hoiley CDPO/DPO i/c Tseminyu Menokhrielie para deliver kurishey, aru Sr. Supervisor ICDS project Tseminyu, Obed Magh para baby show laga importance emphasize kurishey aru assert kurishey ki, itu show toh hoiley ekta competition nahoi. Hoilebi itu toh hoiley ekta celebration asey life laga aru moi khan laga morom laga expression asey aru Isor ke gratitude diya laga ekta asey, itu notun blessing khan ahi thaka laga.
Magh para koishey, ekta bacha laga dimak toh hoiley life laga first olop saal laga hhomoi tey rapid para develop hoi, itu nimitey itu first 1000 din tey ekta critical window offer kurey, intervene kuriboley aru support kuriboley nimitey. Itu first dui saal toh hoiley ekta critical homoi asey, dimak develop kuriboley nimitey, future cognitive, emotional aru social ability khan nimitey foundation lay kuria laga, itu bacha nimitey.
Itu program tey toh hoiley, Sr. Supervisor, ICDS project Tseminyu, Kenyuyhunlo Kent para chair kurishey aru Hannah Lorin, LDA ((ICDS) project Tseminyu para vote of thanks pronounce kurishey.
Add Comment