Uttar Pradesh, 22 April 2025: Ekta manu khan recently Dubai pra wapas ahishey taike muri kina paishey trolly bag bitor te Deoria district te Uttar Pradesh laka Sunday din te. Police pra koishey tai laka maiki, kun relationship te thaki shey tai laka nephew lokot, tai laka mota ke murai dishey nephew aro tai laka sati khan laka madat pra. Body toh harvested wheat kheti te paishey Pakdi Patkhauli bosti osor te Tarkulwa police station under te. Ekta farmer kun harvest machine anishey jaka te bag ekta paishey kheti te aro local authorities khan ke janai dishey. Kicha police khan bag toh khuli shey taikhan 37 saal Naushad laka body paishey, Bhatauli Bosti laka manu Mayil jaka te.
Naushad toh tai laka bosti te wapas ahishey dos din agae te Dubai te kam kuri kina. Tai toh taila elderly baba, maiki aro maiki bacha lokot bhui thaki shey. Police khan body toh passport based pra identified kuri shey bad bitor te pa. Investigators khan bisas kuri ase taike ghor te murai dishey, body toh same trolly bad te packed kuri dishey kun toh tai abroad pra anishey. Aro gari pra loi jaishey 60 kilometers kheti te. Naushand laka ghor te search kura time te, police khan khun laka daki paishey alak trolly bag te. Tai laka maiki ke questioning karne loi jaishey aro interrogation time te ekta manu laka nam loishey bosti pra. Tai toh reportedly tai laka nephew ase aro tai lokot relationship thaki shey. Police khan echa taike bisari ase.
Ekta top police official pra koishey, Maiki pra koi dishey tai pra taila mota ke murai dishey nephew aro ekta sati laka madat lokot. Moikhan case toh chei ghanta bitor te solved kuri dishey hoileh nephew aro tai laka sati toh echa b run te ase.
Add Comment