April 23, 2025, 06:05 PM: Japan tey job laga opportunity khan thaka laga opor tey workshop loishey, itu Horticulture laga Department, Nagaland University aru ARMS incorporation toh hoiley loishey, Capital Convention Centre, Kohima tey, 23rd April, 2025 tey.
Horticulture laga Director – Meyasashi para itu welcome address deliver kuri kena, itu inaugural session tey koishey, Japan toh hoiley ekta dangor range laga job opportunity khan offer kuri asey, particular para IT, Engineering, Agriculture aru English shikhawa laga tey.
Japan toh hoiley rich culture heritage aru diverse tourist attraction thaki kena, tatey opportunity khan alag alag hospitality sector khan tey asey, tai para koishey.
ARMS incorporation laga Vice President – Shibata Nagatoshi para tai laga speech tey, koishey, Japan tey itu industry khan nimitey manpower khan lagi asey aru tatey toh hoiley human resources short hoi kena asey, population khan komti hoi thaka nimitey, Japan laga. Tai para aru koishey ki, Japan laga population khan bura buri bishi hoi thaka nimitey tatey toh hoiley long term healthcare aru Nursing Personnel laga shortage hoi kena asey. Itu technical intern training program ARMS incorporation under tey, tai khan excellent candidate khan ke select kurey, aru tai khan ke Japan tey pathai.
Itu teen saal laga program toh hoiley official para Japanese aru Indian Government para approve kuria laga asey aru itu para toh hoiley itya tak 350 student khan ke pathai di kena asey, Japan tey.
Department laga Linguistic Head, Nagaland University – Prof. Pangersenla Walling para tai laga address tey, koishey, duita MoU sign kurishey, itu Nagaland University aru State Government majetey aru aru-bhi ekta ARMS incorporation aru NU majetey sign kurishey.
Itu MoU toh hoiley ekta teen saal laga collaborative partnership ke mark kuri asey, kuntu toh hoiley Educational aru Cultural exchange foster kuriboley aim kurey. Tai para koishey, itu laga core objective toh hoiley Nagaland ke foreign language shikhiboley laga center hisap tey rakhiboley asey. Aru student khan ekta aru bhi dangor range offer kuriboley asey, academic opportunity khan laga, aru simultaneous para youth employment foster kuri kena, domestic para aru international para. Tai para mention kurishey ki, itu world tey opportunity khan thaki kena asey koi kena aru tai para youth khan ke encourage kurishey, tyaar thakiboley itu skill khan learn kuri kena aru diginity aru determination logotey kuri kena.
Add Comment