Agartala, April 25, 2025: Yete ekta bia khobor te. Belonia laga Autorickshaw driver toh auto chulai kina pet palea koishe. Aru taike manu bishi janea koishe. Tai toh tai laga family karne poisa kamai thakhea manu ase. Hoilebi Accident lok pai kina murishe koishe.
Police khan para koishe ki. Tai toh Satyajit Majumder (40) ase koishe. Tai toh Belonia town laga Manurmukh Madhyapara jagate thakhea manu ase koishe. Tai toh autorickshaw chulai. Aru auto laga malik bi tai he ase.
Yete Satyajit toh tai laga Auto te Bamboo dalishe. Aru etu khan Bankar laga Ramnagar te puncha bole thakhishe koishe. Yete tai wapas ahea homoi te. Rasta chutu para ahi thakhishe koishe ekta passenger bukhi kina. Aru auto toh rasta niche 10-feet nishina te girishe koishe. Yete Satyajit toh jokhum hoishe. Aru passenger toh hala kuri kina modot mangi thakhishe. Yete Local manu khan ahi kina modot kurishe koishe. Aru Satyajit te Belonia laga Hospital te loi jaishe koishe. Hoilebi Doctor Arup Roy para khobor dishe ki. Tai toh murishe koi kina.
Satyajit murea toh Manurmukh Madhyapara jagate thakhea manu pura ke shock kurishe. Aru Manu bishi bi mun bikhaishe koishe tai muri ja toh.Tai toh maiki, duita bacha aru tai laga ama bi ase koishe. Yete Local manu khan para Political Leaders khan ke kaam dibole mangea ase, Tai laga maiki karne.
Add Comment