April 25, 2025, 04:40 PM: Itu country logotey khara thaki kena, Mon District tey bhi World Malaria Day observe kurishey, 25th April, 2025 tey, District Hospital Conference Hall tey, National Vector Borne Disease Control Program Mon para organize kuri kena. Theme toh “ Malaria Ends With Us: Reinvest, Reimagine, Reignite” thaki kena, tatey itu event tey SDO (C), Mon, Ajit Kumar, IAS para special guest hisap buhi kena grace kurishey.
Kumar para tai laga address tey, state kurishey ki, malaria toh hoiley poila toh ekta deadly disease thakishey koi kena, kotey bishi manu laga jeevan khan toh lost hoa laga thakishey ekta homoi tey, hoilebi itya toh hoiley government laga collective effort thaka para aru health tey kaam kuria manu khan laga effort para manu khan laga jeevan toh hoiley improve hoishey. Tai para tai laga gratitude express kurishey, itu concern thaka department khan ke, progressive achievement nimitey, malaria ke eliminate kuria tey, itu district tey.
DVBO, Mon, Dr. Abenthung Murry para duita best perform kuria Surveillance Workers (SWs) aru ASHAs, itu District para felicitate kurishey – Tizit laga P S Chong, SW aru Aboi Block laga C. Yemen, SW, Aboi Block laga Chula ASHA aru Jakphang Bosti laga Nonlih, ASHA, tai khan ke. Tai para itu bhi koishey ki, Mon District toh hoiley qualified asey, itu Malaria Eliminating certificate paboley karney.
Add Comment