Kohima Tey World Malaria Day Opor Tey Lecture Organize Kurishey

April 25, 2025, 08:14 PM: World Malaria Day observe kuri kena, ekta special awareness lecture organize kurishey, aji, Minister Hills Baptist High School, Kohima, Nagaland tey. Kuntu toh hoiley school laga bacha khan ke educate kuriboley aim kurishey, itu bimar toh ki para hoi, keneka rukhaboley paribo, aru malaria bimar laga treatment toh keneka asey, itu khan opor tey. Itu event toh hoiley itu school laga authority khan aru Assam Rifles para mili kena coordinate kuria laga thakishey, itu saal laga global theme “Malaria ends with us: Reinvest, Reimagine, Reignite” highlight kuri kena. Malaria against tey fight khilat oh accelerate kuri kena, ekta aru bhi healthy duniya thakiboley nimitey. Itu lecture toh hoiley Assam Rifles laga Regimental Medical Officer para deliver kurishey, kun para toh hoiley 175 student khan ke ekta interactive session tey engage kuriloishey, keneka malaria toh spread hoi, moschor control kuriboley laga importance, aru simple para itu bimar ke rukhaboley laga measure khan, itu opor tey interact kurishey, tai para moschor nakamriboley mosquito net khan chulaboley laga, aru saaf saafi rakhiboley laga aru thik homoi tey intervene kuriboley laga opor tey koishey. Itu event toh hoiley ekta kosom khawa laga ceremony logotey khotom hoishey, itu student khan para, awareness spread kuriboley, malaria opor tey, tai khan laga ghor khan aru community khan tey. Jawan chukra chukri khan laga bhabana ke reinforce kuri kena, ekta malaria free future banboley karney.