New Delhi, 26 April 2025: Ekta jhagra hoise duita student group majot Jamia Millia Islamia te Friday rati, aru etu te kunba student injure bhi hoise. Jamia Millia Islamia administration pra eku response dia nai, aru police logot bhi eku formal complaint file kura nai etu incident karone.
Campus te thaka sources hisap te, 5-6 jon student injure hoise aru MA Ansari Health Centre te treatment loi se. Sobke pichete discharge kuridise. Incident report hisap te Gate No. 7 osor te hoise, juntu te confrontation time te eta aru pathor phelaise.
Campus sources koi ase ki jhagra Thursday rati 11 baje nishina te start hoise, juntu ekta minor altercation piche hoise, jate ekjon student Mewat para ase taike Bihar para student group ekjon marise koi ase.
Etu karone Mewat pra thaka ekta group hostel bhitor ghusi se aru Bihar aru Western Uttar Pradesh laga student ke assault kurise koi ase.
Situation aru dangor hoi jaise Friday prayer piche, juntu time te duita group Gate No. 7 osor aru jamah hoise aru marbit kurise. Lathi, eta aru pathor use kurise koi ase.
University security personnel ahise aru situation control kuribole try kurise. Friday rati late tak, police ke university administration para eku complaint file kuranai.
Add Comment