Assam, April 28, 2025: April 27 din te. Assam laga Kokrajhar, Bodoland te. National-Level Marathon Champion competition toh kurishe koishe. Yete Drugs free region aru healthy thakhibole karne ase koishe. Etu event toh Youth Wing of United People’s party Liberal (UPPL) khan para tarika loishe koishe.
Yete Country laga alak alak jaga para. Assam aru Bodoland Territorial Region (BTR) khan para manu khan ahi kina marathon toh polaishe koishe. Yete sob milai kina 450 manu nishina ahishe koishe.
Etu event toh BTR Chief Executive Member (CEM) Pramod Boro para flagg off kurishe koishe.
Marathon toh Kokrajhar laga Banargaon parasuru kurishe. Aru yete Chandrapara, Ghoskata aru Dotma khan paar kurishe. Yete sob milai kina 34 kilometers nishina ase koishe. Aru yete Serfanguri te khotom kuribole laga jaga ase. Tate award ceremony toh thakhibole ase koishe.
Yete marathon te maiki aru muta khan laga categories bi ase. Yete First jitea khan ke Rs 50,000 dibole ase koishe aru Trophy bi. Yete Second aru Third pa khan ke toh Rs 25,000 aru Rs 15,000 aru trophies khan bi dibole ase koishe.
Add Comment