ICAR-NRC Mithun aru Animal Husbandry& Veterinary majot meeting loise

Kohima, 01 May 2025: Indian Council of Agricultural Research – National Research Centre on Mithun (ICAR-NRCM) aru Nagaland Government laga Department of Animal Husbandry & Veterinary Services (AH&VS) majot ekta coordination meeting 30 April 2025 din successfully loise. Meeting AH & Veterinary Services Directorate laga Conference Hall, Kohima te loise.

Meeting te Directorate laga senior officials khan aru ICAR-NRC Mithun, Jharnapani para aahise ekta team; total 9 jon scientist, Director Dr. Girish Patel laga leadership te.

Meeting Dr. B.M. Sunep, Additional Director aru HoD (Head of Department) chair kurise. Opening remarks te, Dr. Sunep Nagaland laga indigenous Thotho cattle breed promote kuribo laga ecological aru agricultural importance opor kotha kurise. Tai local grazing practices laga role highlight kurise, ki mati fertility aru mati microflora maintain rakhibole bishi help kure. Tai farmers mindset te bhi change anibi laga appeal kurise, khali dudh production opor focus nahoi kena, meat production opor bhi dhyan dibo lage, economic benefit utha bole livestock farming te.

Meeting te Dr. Girish Patel ekta detailed PowerPoint presentation dikhai se, NER (North Eastern Region) te Mithun balia laga current status opor, specially Nagaland opor focus kurikena. Tai koise ki Mithun tribal life, culture aru agro-ecology te bishi important role play kure. Tai Thotho cattle preserve aru dangor kuribo laga importance opor bhi kotha kurise aru semen collection aru artificial insemination research start kuribo laga importance opor bhi emphasis kurise.

ICAR-NRCM aru AH & Veterinary Services Department dui jon milikena collaborate kura laga opor commitment dikhai se. Tai khan joint initiative aru program explore kuribole agree kurise, resource-sharing, capacity building, aru research-driven development juntu Mithun, indigenous cattle aru dusra livestock farming practices opor focus kuribo.

Etu meeting Nagaland te integrated livestock development laga ekta important step ase, juntu rural income uthabo, indigenous breeds ke preserve kuribo, aru sustainable agricultural practices contribute kuribo.