Commissioner of Police, Dimapur laga office para ekta traffic advisory issue kurise juntu te NH-36 laga ekta specific stretch te kari jabole restriction laga announcement dise, road construction aru strengthening kaam khotom na hoa time tak.
Advisory te mention kura ase ki notun bona Dry Lean Concrete (DLC) aru Pavement Quality Concrete (PQC) surface, Km 165.600 para Km 165.925 tak, juntu Flyover niche Dimapur Railway Siding te ase, Blue Hill Police Assistant Booth (PAB) para Flyover Y-Junction exit tak, etu stretch pura close thakibo sob vehicle karone May 15, 2025 tak. Restriction diya hoise concrete pavement ke bhal para curing time dibo karone, juntu lasting aru structure bhal thakibo nimite important ase.
Light Motor Vehicles (LMVs) ke May 16, 2025 pora etu stretch te cholabole dibo. Kintu Heavy Motor Vehicles (HMVs) ke curing process pura khotom hoile he cholobo dibo.
Etu advisory Executive Engineer, PWD National Highway Division, Kohima laga directive follow kuri kena issue kurise. Public ke request kuri ase ki cooperation dibole safety aru notun rasta bhal thaki bole.
Add Comment