May 02, 2025, 07:27 PM: Itu dui-din laga International Association of Women laga inaugural programme, Radio aru Television (IAWRT) Travelling Film Festival loishey, itu Centre of Excellence for Music and Arts (CEMA) tey, Old Minister’s Hill, Kohima tey para, 2nd May, 2025 tey. IAWRT toh hoiley ekta global network asey, 14 national chapter khan aru member khan laga, 54 country khan tey, kuntu toh hoiley maiki manu laga role aru participation laga enhancement karney, media tey. Itu toh hoiley non-governmental organisation (NGO) asey, consultative status tey, itu United Nations Economic and Social Council (ECOSOC) logotey.
Khushi pawa laga express kuri kena, Kohima tey visit kuria laga, poila bar nimitey, independent hournalist aru ekta award jeeta laga documentary film banawa manu – Nupur Basu para state kurishey ki IAWRT toh hoiley 1956 tey shuru hoa laga asey, kuntu toh hoiley international organization asey, maiki laga, film, radio, aru television tey. Tai para koishey ki, international tey, IAWRT tey toh hoiley 500 maiki manu khan asey, aru India chapter tey hey ekla para itya toh 0ne-fifth thaki kena asey, itu membership laga.
Nupur Basu para koishey ki, IAWRT laga 20th Asian Women’s Film Festival toh hoiley March 2025 tey loishey, itu India International Centre, New Delhi tey, kaam laga 20 saal laga celebrate kuri kena, khali Asian maiki director khan laga, exclusive para.
Itu IAWRT Travelling Film Festival toh hoiley 250 location khan tey loi kena asey, itu duniya tey, Nupur para koishey. President, Film Association of Nagaland (FAN), Yapangnaro Longkumer para tai laga gratitude extend kurishey, itu Information & Public Relations laga Department, Task Force for Music and Arts (TaFMA), Women Resource Development, Art & Culture, NSACS, ke, itu sob support extend kuria nimitey, FAN aru itu IAWRT ke, itu film festival organize kuria karney.
Add Comment